Эрчүүдийн
зүрх сэтгэлийг эзэмдэж, байлдан дагуулах талаар маш олон ном товхимол,
сонин хэвлэлд бичигдсэн байдаг. Тиймээс эдгээрийг нэг бүрчлэн уншиж
байсан хүний хувьд хэлэхэд энэ бүхэн бол хэнд ч хэрэггүй дэмий зүйл л
гэх байна. Яагаад гэвэл та энэ олон зөвлөгөөг дагаснаар өөрийгөө бүр
эвгүй байдалд ч оруулж мэднэ. Тийм болохоор анх удаагаа эр хүнтэй
уулзах гэж байгаа бол хамгийн энгийн хэдэн зарчмыг л мэдэж байх нь
чухал.
Өөртөө итгэлтэй бай.
Санаа сэтгэл тайван биш байна
даа гэсэн бодлыг тархи толгойноосоо авч хаян, өөртөө бүрэн итгэлтэй
бай. Гадаад байдал маань ямар харагдаж байгаа бол гэсэн түгшүүр нь
таныг хүлэгдмэл байдалд оруулж чөлөөтэй харьцаж чадахгүйд хүргэнэ.
Тэгээд аятайхан инээмсэглэ. Аливаад хөгжилтэй, хошин шог ч мэдрэмжтэй
байвал эрчүүд ч гэсэн танд тэгж хандах болно..
Харилцан яриа чухал
Уулзалтын
хамгийн гол хэсэг бол харилцан яриа. Эрэгтэй хүнийг дуустал нь яриул.
Ярих боломжийг олгосноор цаад хүндээ та эерэг сэтгэгдэл төрүүлнэ. Дараа
нь та найз нартайгаа юугаа ч ярьж болно шүү дээ. Тиймээс жаахан тэвчээд
түүний ярихыг сонс. Түүний сонирхол, хобби болон хийх дуртай зүйлийг
мэдэж ав. Та хоёрын уулзалт амжилттай болбол энэ нь цааш цаашдын чинь
харилцаанд хэрэг болно.
Болзох газраа зөв сонго
Кафе,
баар ресторан тохиромжгүй. Эдгээр нь тийм ч таатай дурсамжийг
үлдээдэггүй. Харин мөсөн дээр гулгах ч юм уу буудлагын газар эсвэл
компьютер тоглоомын газар байж болно. Чи өөрөө буудаж чаддаггүй, мөсөн
дээр тогтож чаддаггүй бол бүр ч сайн.
Анхны болзоо удаан байж болохгүй. Богино байх тусмаа л дурсамжтай байдаг гэдгийг санаарай.
